موقف غريب صار معاي

دمعة سيف · 14-11-2008, 09:17 PM

بسم الله الرحمن الرحيم

بخبركم عن موقف صار معاي ..... طبعا اباكم اتخبروني عن رايكم .. بالي صار

مره كنت يالس في المول ....... في الكوفي ...... اتريا اربعي

كنت يالس اتعبث بتيلفوني ......... اشوف .... اسماءالبلوتوث . ههههههه اسامي غريبه الصراحه

المهم انا امنزل راسي وفجأة جنه .... وحده قعدت ع نفس الطاوله الي انا يالس .... عليها

لابسى هاذيج العباه .... اللي جنها ليتات عِرس ( زرق ورق ) المكياج ما عند حد ما تم مكياج في العين

ما لخته ع ويهها ........

جا ن اتقولي السلام ... رديت السلام ....

قالت ...... والله ابا استشيرك في موضوع

رديت عليها ..... قلت لها نشي من الطاو له ....

ما في بيني وبينج كلام .......

قالت لا بس 5 دقايق

قلتلها اعرفج؟؟؟؟؟

قالت لا

اتصيري لي .......

قالت لا

جان اقولها نشي من الطاوله .....

انا مب من النوع اللي انتي

تفكرين فيه ..... وان ما نشيتي ......

انا الي بنش ....

وبس ....... قامت ....... وهي تجر آمال الخيبه

ها شو راكم باللي صار .......

ĤąmšǻŢ~7źŊ · 14-11-2008, 09:51 PM

يا هلا فيك سيف

موضوع من جهتي مب غريب لاني سامعه عجايب وغريب به زمن ><

وبعدين كل شي جااايز دام البنت لابسه العباه امزخرفه وامحطيه ميك اب جنها سايره العرس مب سووق

ما اقدر اقول عنها صدق ما تستحي عيل تقعد ويااك بنفس طااوله ولا تبا اترمسك خمس دقايق اوونه

هع

صدق لقاال >> ان لم تستح ففعل ما تشااء >> ماادري اذا صح ولا لا ^^

واحسن شي سويته يوم قلتلها نشي من الطاوله

اكيد اتقفطت >> عسب تتأدب وما اتسوي هالحركه البايخه

والله فشله ><

ما اقول غير الله ايعينا ويهديهم ويصلح بالهم

تاله · 14-11-2008, 09:54 PM

اعتقد ياسيف هذا اسلوب من اساليب الشحاده والنصب

والظاهر انها فرد من عصابه ترمي شباكها بشويه مكياج وشياكه على الشباب

واضن هدفهم مادي نصب واحتيال ومن ها القبيل

بس ليتك اشتكيتها على الامن في المول ياسيف عشان يتم ردع ها الاشكال

والله يستر عليك يارب ويهدي ماخلق

واشكرك على طرح الموقف

عبرات · 14-11-2008, 10:22 PM

اممممممم

الموقف ممكن يكون قلة حيا مثل ماقالت همسه

وممكن يكون شحاته وطراره مثل ماقالت تاله

وفي كل الحالات....

الموقف سيء وسلبي

وزين يوم طلبت منها تقوم عن الطاوله...

وهذا الزمن توقع فيه كل شي...

الله المستعان

![BiNt eLjOoD]! · 15-11-2008, 12:38 AM

استغفر الله العظيم ..

علامات الساعه

البنات يعقن عمارهن عالشبااب !!

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ما عاد تفــرق معاي	حزين ولكن ...	منتدى مرآة الواقع	41	16-12-2007 04:13 AM
اللي عنده موقف طريف موقف مضحك يشارك	حزين ولكن ...	منتدى الفكــاهة والطرائـــف	11	14-08-2007 03:42 AM
ضحكوا معاي ....صور....	123456	منتدى الفكــاهة والطرائـــف	9	20-07-2007 09:04 AM