واذا تبون اي خدمة او استفسار انا حاضرة

أكيد إختي ياليت نحن مانصبر عن خدماتكن الطيبه

وخبز الرقاااااااق أكله مشهوورة ومعروووفه عندنااا في دولة الإمارات ودول الخليج خصوصااا بس كل دوله لهااا طرق مميزه في صنعنه

وطبعااا الي عرفته من ناس شااميه ومن مصر أنه خبز الرقاق عندهم معروووووف وكل دوله تتميز بطريقة صنعه

ونحن في الدولة تميزن خواتنااا في كل مكان في تميز خبز الرقاق وشيء منهن يصنعنه بالطريقه التقليديه مثل ماقالة إختنااا المستمعة عبرات

وشيء منهن يسون خبز رقاق بالزعتر وشيء بالجبن كرافت وشيء بالسكر الي يينثر عليه وهوو على الطووبي وشيء من يحط عليه الجبن والمربى وغير خبزة المهيااوااا المشهورة عند هل الإمارات الشماليه


ومن يحب يشاركنااا بمعلومات أكثر يزاااه الله خير ونقووووووول ألوووووووو

وللعلم مفاجأتنااا لكم بنستظيف أم سعيد مالت الفريج تسااعدنااا وتونسنااا بسوالفهااا الزينه

وعلى حد علمي بناتنااا وعيالنااا مالهم غنى عنهاااااااا


ويالله حييه أم سعيد نورتيناااااااا

أم سعيد :



حيا الله من لفانا حياكم الله مع دلالي القهوة اقربوا اقربوا




أم خماس : أم سعيد خير شو عندج ؟




أم علاوي : شوهزا أم سئيد إنتي شنو سويتي ؟




أم سلوم : ها شو بلاكن شو عندكن ؟




ما بلاني شي بس نسيت اخبركم أن مشرف سوالف العين المسافر افتتح إذاعة سوالف العين التراثية ! وبعاون وليدي ويازين التراث وطااريه









وااعليــــــــه جيل هالزمان ناسي تراثه يا بويه وين زمان اول وين الحرمة
السنعة الحرمة اول تعرس وإهي بنت 13 و تنش من الفير و تسوي




هذاك الريوق من خبز رقاق وخمير ومحلى وتحمس القهوة وتدقها




وتسوي هذيج القهوة الغاوية اللي ريحتها تشل الفريج ولا استوى




الضحى يابت الخوص ويلست تسف تسوي المهفة والسروت والمجبة




والحصير و قبل لا يأذن الظهر لبقت التنور وشوت السمج وسوت هاك العيش الغاوي.








الحرمة الأول تسدل سدولها تيلس تغزل غزولها وتسوي بيوت الشعر




حق الشتا وتخدم التلي وتيلس تقرض وتجف البراقع وطحنت الحب




وعينت لعين وحلبت البقرة وصبت حليبها في البرمة حق نهار ثاني




يا حاااااااااااااااافظ عليهــــــــــــــن











و انا قلت لازم يا بويه عيالنا يتعلمون التراث


زين ما زين وعشان جيه إذاعتنااا فيها أكثر من فقرة ,,,خلوكم ويايه :

واول فقره بنبداها في مسابقتنا الأولى في الأمثال الشعبية والمطلوب منكم تكملة المثل :




اللي ما يعرف الصقر..
الفرس من خيالها..
سيل ما يبلك..
الحي يحييك..
الشيفه شيفه..
لو كان فيه خير..
اللي في القدر..
حلاة الثوب..
الطول طول نخلة..
من طلع من داره..
اللي ما يعرفك..
سم الرياييل باسميها..
لو كل من يا ونجر..
البعد بعد القلوب..
من طول الغيبات..




يلا يا عيال سوالف العين شدوا حيلكم وراااوني ثقافتكم التراثية ..


ونقووووووول ألوووووووو

احم احم

ممكن اشاارك هي زين اذا لقط الخط

من متى واناا اترياا ع الخط
بتردوون علي ولا تراه ما شي رصيد خخخخ
خلاص سجلوو المكاااالمه احسن خخخ
هي زين رديتوووو بدوون مقدماات بجاوب ع طوووول لي سكر الخط رصيدي بيخلص خخ

المهم بجاااوب


اللي ما يعرف الصقر..يشويه
الفرس من خيالها..والحرمه من ريالها
سيل ما يبلك..ما يهمك
الحي يحييك..والميت يزيدك غبن
الشيفه شيفه..والمعاني ضعيفه
لو كان فيه خير..ما رماه الطير
اللي في القدر.. تطلعه الملاس
حلاة الثوب..رقعته منه وفيه
الطول طول نخلة.. والعقل عقل اصخلة
من طلع من داره..قل مقداره
اللي ما يعرفك..ما يثمنك
سم الرياييل باسميها..عن تاكلك باثاميها
لو كل من يا ونجر..ما تم في الوادي شجر
البعد بعد القلوب..مب بعد الدروب
من طول الغيبات.. ياب الغنايم

ما شا الله عليه بنت تراااثيه......

حيالله من يــــــــانا

مرحبا مرحبــــا بنسايم

ياحافظ عليج جيه أباج شاطره بالأمثال الشعبيه

ولا شرايج إم سعيد؟!!!!

أم سعيد : وايديييييه عليج نسايم ابووويه الأمثــال سهلـه ومايبالها شي

وياحاااافظ عليييج

يــــــامييييييييييييييييييييه المسافر




خبر ربعك جان عندهم شي تراثــي

اغاني تراثيــه

ولا ألعــاب تراثيــه

ترانــي مااقدر ع الوقفه ارووحي هنــي..حشىىىى يا بوووي مااروم على ركبيــه


شاركوني هني في الإذاعه و لا تبخلووون علينــا بابداعاتكم الغاويـــه



المسافر: هههههههههههههههههههههه

فالج طيب أم سعيد


هاااا مستمعيناااا لاتبخلووون علينااا بمشاركاتكم الغاويه


ويحليهاااا ركبهااا عورنهااا أم سعيد


يلا يلا


ونقووووووول ألوووو

أم سعيد الشيخه حلفت عليج ما تصبين قهوه أرتاحي أنتي بس أرتاحي شوفي شو يبت لج

يبت لج أغاني أول عاد ما وصيج غنيلي وغني لمستمعينا و خلينا نستانس

ههههههههههههههههههههه

حمامه نودي نودي .. سلمي على سعودي
سعودي ساير مكه .. بيب ثياب بو العكه
بحطه في صندوقي .. صندوقي ماله مفتاح
والمفتاح عند الحداد .. والحداد يبغي فلوس
والفلوس عند العروس .. والعروس تبغي عيال
والعيال يبغون حليب ... والحليب عند البقر
والبقر يبغون حشيش .. والحشيش فوق اليبل
واليبل يبغي مطر ... والمطر عند الله
====
خوصه بوصه يا النبوصه كلاج الدود من حندود
ليلى ليلى عطينا سيفج بنلاجي به عبدالله بن سلطان
لادغتنه عقربيه شقربيه دوسة خيل ولا مطيه
====
عمتي مرت ابويه ... الله يسلط عليها
يوم يتها الهديه .. دستها في الزويه
تتحسبني طلاّبه .. اطلب على البيبان
ما جن ابويه تاجر ..بيصوغ لي الذهبان
====
طاحت عليه نفه .. قوموا اشترولي دفه
طاح المطر برعوده .. ********ر حوي سعوده
طاح المطر بيد الله ... ********ر حوي عبدالله
طاح المطر من فوق .. ********ر حوي بن طوق
====
يا عليا بنت ابوها ... والخطاب اخطبوها
سبعة ورا البيت .. والثامن عند ابوها
واحد يدق الزعفران ... والثاني يقول يا ليتني خادم ابوها
====
يا بنية ما دريتي ... عن خطار لفوج
قالت لفوني غبشة .. على خيول وبوش
مصلين الجمعه ..صقر ولد الشيوخ
يالس على الدجيجه .. يالس ويعد فلوس
يا الطاسه يا المخبوقه .. ما ضمتها الفلوس
====
يا بنيه موتي غصه ... اذا انا مريت
انا سلبت فوادج ... في السكه واتليت
يالغرفة يا الشرجيه ... بناها بو علي
حق ع